Почитувани матуранти, напуштајќи го училиштето треба да ги направите најважните чекори во животот. Најдобрата благодарност за нас наставниците кои ја вршиме оваа племенита работа ќе бидат вашите успеси, плодовите на знаењето и животната мудрост. Една латинска поговорка вели: „Ние не учиме за на училиште, туку за цел живот.“ Каде и да го продолжите својот животен пат, знајте дека вие го носите белегот на Охрид и Охридската Гимназија. Секогаш сеќавајте се на годините поминати тука и сами ќе се уверите дека овој период од животот ви е најубав. Почитувани матуранти, ви ја честитам матурата и ви посакувам да бидете најдобри за себе!
Изработиле:
Марино Јакимоски и Валентино Ивановски IV-5