Вчера, во просториите на нашето училиште, учениците беа дел од бесплатната обуката за прва помош одржана од страна на лиценциран предавач/демонстратор при општинската организација на Црвениот крст. Оваа обука која ги опфати учениците од прва и втора година е дел од кампањата по прва помош под мотото „Првата помош спасува живот“. Оваа кампања е започната во мај 2022 година и е планирано до крајот на годината да опфати 25 000 ученици од основните и средните училишта на земјата. На обуката, учениците имаа можност да стекнат основни знаења за укажување на прва помош како брза и витална интервенција чија цел е да се спаси човечки живот, но и да се намалат компликациите од настанати повреди и инвалидитет.
