Во просториите на Универзитетот за информатички технологии „Св Апостол Павле“ се одржа проекција на шпанскиот класик, филмот „Духот на улиштето“ на Виктор Ерис. Оваа проекција е во склоп на Средношколската видео лектира која е дел од едукативната програма на Филозофскиот Филмски Фестивал од Скопје. Целта на СВЛ е организирано гледање на филмски класик и пишување есеј во рамките на конкурсот за најдобар фил(м)ософски есеј на тема инспирирана од филмот. Оваа година, учениците ќе пишуваат есеј на тема: „Детската игра, фантазијата и соочувањето со конечноста на животот“. И учениците од нашата Гимназија беа дел од оваа проекција и ќе учествуваат на конкурсот под менторство на професорите по филозофија Јане Богоески и Тања Билко. Им посакуваме успех!
