Нашите ученици дел од проектот ,,Земете ја иднината во ваши раце”

Во рамките на проектот ,,Земете ја иднината во ваши раце” финансиран од ЕУ CRM програмата, дел од учениците од нашето училиште учествуваа во организирана изложба на фотографии насловена ,,Зелено и сино наспроти црно и сиво”. На изложбата беа прикажани и фотографии од нашите гимназијалци, под менторство на проф. Емилија Трајческа.
Целта на оваа изложба беше преку фотографиите да се забележи естетската важност и убавините на Охридското Езеро, кое уште одамна претставува инспирација за голем број уметници и ги привлекува луѓето, предизвикувајќи ги научниците да ги откријат езерските бескрајни тајни и да се подигне еколошката свест кај најмладите.
Сето ова е многу важно, бидејќи тоа е едно од најубавите подароци што природата ни ги дала и мислиме дека е доволно посебно за да биде светско, а сепак наше, да биде природно и културно наследство под заштита на УНЕСКО.