Потрагата по нови знаења,откривање на нови хоризонти но и дружење и забава ,овојпат однесе неколку охридски гимназијалци со своите наставници по физика во просториите на City Mall во Скопје на еден навистина прекрасен настан насловен како ,,Ноември-месец на науката”.Настанот на кој нашите ученици се претставија на 19.11.2016г.претставуваше еден прекрасен спој од наука и дружење помеѓу менторите и учениците кои настојуваа да се покажат пред многубројната публика во најубаво светло.Следуваа многу научни и интересни изработки, демонстрации и експерименти подготвени и презентирани од учениците кои комисијата од професори од Природно-математичкиот факултет во Скопје со голема посветеност и внимание ги следеше и оценуваше.Прекрасната организација на оваа манифестација им овозможи на учениците да проследат и многу интересни предавања како и посета на лабораториите на ПМФ.
На овој прекрасен настан, во областа на физиката, нашите ученици од охридската гимназија се закитија со следните награди:
Прва награда-категорија ученици од четврта година:
Марија Мојсовска на темата :Шлирен ефект (ментор Јасмина Јанева)
Втора награда-категорија ученици од втора година:
Емилија Наумоска и Викторија Алексовска на темата:Генерирање на ултразвук со магнетострикција (ментор Марија Сиљаноска)
Трета награда-категорија ученици од четврта година:
Грозданов Димитриj и Грозданова Михаела на темите:
Mini Hoverboard и пиезоелектричен генератор (ментор Виолета Никовска)
