Заврши уште една незаборавна мобилност!

Ученици од нашата Гимназија од 24 до 28 март беа дел од последната мобилност во рамките на проектот „Нови навики, нова земја“, а домаќин беше прекрасниот град Крапковице, Полска!

Заедно со ученици и наставници од Сардинија и Португалија, учествувавме во инспиративни активности – од запознавање со локалните институции, преку културни прошетки во Ополе и Вроцлав, до интерактивни работилници за еколошка мода, одржливост и нови технологии.

Имавме можност да го посетиме фасцинантниот Хидрополис – научен и едукативен центар за водата, како и да уживаме во магичната атмосфера на замокот во Мошна.

Креативноста беше во фокусот на нашите работилници – изработувавме уникатни еко-модни додатоци, корици за книги и други предмети, комбинирајќи традиција со иновација.

Финалниот настан беше емоционален – споделивме идеи, искуства и создадовме пријателства што ќе траат засекогаш!

А како совршен крај на ова незаборавно искуство, последниот ден нашите ученици имаа можност да го доживеат и да се воодушеват  прекрасниот Краков – град со богата историја, архитектонски убавини и неповторлива атмосфера!

Ова беше повеќе од проект – беше патување низ култури, знаење и инспирација! Благодарност до сите што го направија ова искуство незаборавно!