Семинар за превенција на врсничко насилство во Охрид

Врсничкото насилство е вистинска „болест на 21 век“ која ја нарушува самодовербата и сигурноста на младите. Во рамките на Еразмус+ проектот MUltiDIsciplinary design of parent and teacher training to prevent peer bullying, ОСУ „Св. Климент Охридски“ – Охрид, на 16.10.2025 г.  организираше семинар во Конгресниот центар  каде беа претставени прирачниците за родители и наставници кои помагаат како да се препознае и спречи врсничкото насилство.

Тимот МУДИ ( Светлана Огненова, Ирена Бачиќ и Кристина Танеска) од нашата гимназија се јавува како коавтор заедно со партнерите: Универзитетот во Букурешт, Stichting USED Amsterdam (Холандија), Association d’Entrepreneuriat Social (Франција), како и три гимназии од Турција, Полска и Италија.

По презентацијата следуваше искрена и конструктивна дискусија на која за првпат на едно место се сретнаа наставници, психолози/педагози и родители од повеќето основни и средни училишта во Охрид. Споделените искуства и информации покажаа дека училиштата мора да соработуваат и постојано да се информираат едни со други за сите ситуации со врсничко насилство. Само со заеднички напори и поддршка можеме да создадеме безбедни и позитивни средини за младите.

Благодарност до наставниците, педагошките служби и родителите од:

-ООУ „Ванчо Николески“ – с. Лескоец,Охрид

-ООУ  ,, Кочо Рацин“ –  Охрид

-ОЕМУЦ ,, Св. Наум Охридски“ – Охрид

-ООУ ,, Братство и единство“ – Охрид

-ООУ,, Св. Наум Охридски“ – Пештани,Охрид

-ООУ  ,, Христо Узунов“ – Охрид

-ООУ ,, Св. Климент Охридски“ – Охрид

-ОСУ,,Св.Климент Охридски“ –Охрид