Основан Медиумски клуб во нашата Гимназија, повик до сите заинтересирани ученици

Во Гимназијата започна со работа Медиумскиот клуб во рамки на Проектот на УСАИД за медиумска писменост „Младите размислуваат“ од Македонскиот институт за медиуми (МИМ). Наставник-координатор кој ќе раководи со Медиумскиот клуб е проф. м-р Перчо Божиновски.

Учениците по предметот Говорење и пишување во втора година имаа чест да бидат меѓу првите вклучени и заедно упатуваме повик до сите ученици кои имаат желба и интерес да се вклучат во работата на клубот.

Целта е создавање веродостојни, објективни и проверени медиумски содржини користејќи различни формати, а ќе биде објавен и конкурс за најдобар медиумски производ подготвен од страна на медиумските клубови од селектираните средни училишта.

Медиумскиот клуб е нашата гимназиска приказна!